સૌથી વધુ વ્યક્તિગત રન નો રેકોર્ડ

ઓસ્ટ્રેલિયાના બેટ્સમેને વન-ડેમાં બનાવ્યા 341 રન, ફટકારી 25 સિક્સર, 35 ફોર

(ઐતિહાસિક ઇનિંગ્સ દરમિયાન જેમ્સ ટલે.)

સિડની : માસ્ટર બ્લાસ્ટર સચિન તેંડુલકર, મુલ્તાનનો સુલતાન વિરેન્દ્ર સેહવાગ અને રોહિત શર્મા. આ ત્રણ ક્રિકેટરોએ વન-ડેમાં બેવડી સદી ફટકારી છે. જોકે એક ઓસ્ટ્રેલિયાના ખેલાડીએ બધા રેકોર્ડ એક ઝટકામાં તોડી નાખ્યા છે. 44-44 ઓવરની એક મેચમાં ઓસ્ટ્રેલિયાના બેટ્સમેન જેમ્સ ટલે ત્રેવડી સદી ફટકારીને વર્લ્ડ રેકોર્ડ બનાવ્યો છે. વન-ડે ક્રિકેટમાં ત્રેવડી સદી ફટકારનાર પ્રથમ ક્રિકેટર બન્યો છે. જેમ્સે 341 રન બનાવ્યા હતા.
43 વર્ષના ઇતિહાસમાં પ્રથમ ત્રેવડી સદી
43 વર્ષના આંતરરાષ્ટ્રીય વન-ડે મેચમાં અત્યાર સુધી ફક્ત 4 બેવડી સદી વાગી છે. જોકે આ ઓસ્ટ્રેલિયન બેટ્સમેન આ રેકોર્ડની ઘણો આગળ નિકળી ગયો છે. ઓસ્ટ્રેલિયન ક્લબ ટીમના બેટ્સમેન જેમ્સ ટલે ક્વીસલેન્ડ વેયરહાઉસ ક્રિકેટ એસોસિયેશન ટૂર્નામેન્ટમાં માસ્ટર હિલ તરફથી રમતા 341 રન બનાવ્યા હતા.
ફટકારી 25 સિક્સર અને 35 ફોર
જેમ્સની આક્રમક બેટિંગનો અંદાજ એ વાત પરથી લગાવી શકાય કે તેણે 341 રન દરમિયાન 25 સિક્સરો અને 35 ફોર ફટકારી હતી. સાઇલેન્ટ અસેંસ ટીમનો કોઈ એવો બોલર ન હતો જે તેની સામે સફળ રહ્યો હોય.
44-44 ઓવરની મેચ
આ મેચ 44-44 ઓવરની હતી. જોકે જેમ્સ 42મી ઓવરમાં આઉટ થઈ ગયો હતો. આ દરમિયાન તેણે વર્લ્ડ રેકોર્ડ પોતાના નામે કરી લીધો હતો.
ટીમે બનાવ્યા 457 રન
જેમ્સ ટેલના 341 રનની મદદથી તેની ટીમે 44 ઓવરમાં 4 વિકેટે 457 રન બનાવ્યા હતા. ટલે ડીન સાથે પાંચમી વિકેટ માટે 212 રનની ભાગીદારી નોંધાવી હતી. જેમાં ડીનના ફક્ત 36 રન હતા. 457 રનના જવાબમાં સાઇલેન્ટની ટીમ 44 ઓવરમાં 232 રન બનાવી શકી હતી. આ મેચમાં ટીમનોે 332 રને વિજય થયો હતો.


ટીમ સ્કોરકાર્ડ

બલિંડા ક્લાર્કે ફટકારી હતી પ્રથમ બેવડી સદી

ક્રિકેટ ઇતિહાસમાં પ્રથમ વન-ડે 1971માં રમાઈ હતી. તેના 2 દશક સુધી કોઈ બેટ્સમેન વન-ડેમાં બેવડી સદી ફટકારી શક્યો ન હતો. 50-50 ફોર્મેટમાં પ્રથમ બેવડી સદી પુરુષ ક્રિકેટરે નહી પણ મહિલા ક્રિકેટરે ફટકારી હતી. વિમેન્સ વર્લ્ડકપ-1997માં ઓસ્ટ્રેલિયાની મહિલા ક્રિકેટર બેલિંડા ક્લાર્કે બેવડી સદી ફટકારી ઇતિહાસ બનાવ્યો હતો. તેણે ડેન્માર્ક સામે મુંબઈમાં 229 રન બનાવ્યા હતા.
આગળ ક્લિક કરો અને વાંચો, બલિંડાના 13 વર્ષ બાદ મેન્સ ખેલાડીએ ફટકારી બેવડી સદી...



સચિને ફટકારી બેવડી સદી

બલિંડાની બેવડી સદી પછી 13 વર્ષ બાદ સચિન તેંડુલકરે વન-ડે ક્રિકેટમાં બેવડી સદી ફટકારવાની સિદ્ધી મેળવી હતી. તે વન-ડેમાં બેવડી સદી ફટકારનાર પ્રથમ મેન્સ ક્રિકેટર હતો. 24 ફેબ્રુઆરી 2010માં ગ્વાલિયરમાં રમાયેલી મેચમાં સચિને 147 બોલમાં અણનમ 200 રન બનાવ્યા હતા. જેમાં 25 ફોર અને 3 સિક્સર ફટકારી હતી. ભારતનો દક્ષિણ આફ્રિકા સામે 153 રને વિજય થયો હતો.



સેહવાગે પણ કરી કમાલ

સચિનનો આ વર્લ્ડ રેકોર્ડ વધારે સમય ટક્યો ન હતો. વિરેન્દ્ર સેહવાગે 8 ડિસેમ્બર 2011ના રોજ વેસ્ટ ઇન્ડીઝ સામે ઇન્દોરમાં 219 રન બનાવ્યા હતા. ભારતનો આ મેચમાં 153 રને વિજય થયો હતો.
વીરેન્દ્ર સેહવાગે પોતાની ઝંઝાવાતી બેવડી સદીમાં કંઈક રેકોર્ડ્સ ધ્વસ્ત કરી દીધા છે અને કંઈક રેકોર્ડ પોતાના નામે કરી દીધા છે. વેસ્ટ ઈન્ડીઝ સામે સેહવાગે વનડે ક્રિકેટમાં સૌથી વધુ વ્યક્તિગત રન બનાવવાનો રેકોર્ડ બનાવી દીધો છે.
- આ સાથે સેહવાગ 8000 કે તેથી વધુ રન ફટારનારો ભારતનો છઠ્ઠો બેટ્સમેન બની ગયો છે. સેહવાગે 240 વનડેમાં 35.66ની સરેરાશ સાથે 8025 રન બનાવ્યા છે. આ સાથે તે સચિન તેંડુલકર (18,111), સૌરવ ગાંગુલી (11,363), રાહુલ દ્રવિડ (10,889), મોહમ્મદ અઝહરૂદ્દીન (9378) અને યુવરાજ સિંહ (8051)ની હરોળમાં આવી ગયો છે.
- ક્રિકેટમાં તે સૌથી વધુ રન ફટકારનારો સુકાની બની ગયો છે. સેહવાગે 219 રન બનાવ્યા અને તે મેચમાં તે સુકાની રહ્યો છે.
- સેહવાગે વનડેમાં બેવડી સદી ફટકારીને સચિન તેંડુલકરનો રેકોર્ડ તોડી નાંખ્યો છે. સચિને ગ્વાલિયરમાં 24 ફેબ્રુઆરી 2010ના રોજ દક્ષિણ આફ્રિકા વિરૂદ્ધ 147 બોલમાં અણનમ 200 રન બનાવ્યા હતા.
- સચિન બાદ વનડેમાં બેવડી સદી ફટકારનારો સેહવાગ વિશ્વનો બીજો બેટ્સમેન બન્યો છે. બન્ને ખેલાડીઓએ મધ્ય પ્રદેશમાં જ બેવડી સદી ફટકારી છે.
- સેહવાગ અને ગૌતમ ગંભીરની જોડીએ વેસ્ટ ઈન્ડીઝ વિરૂદ્ધ પ્રથમ વિકેટ માટે 176 રનની ભાગીદારી નોંધાવી હતી. આ સાથે તેમણે અજય જાડેજા અને સચિન તેંડુલકરના રેકોર્ડની બરાબરી કરી લીધી છે. સચિન-જાડેજાની જોડીએ 9 નવેમ્બર 1994માં કટક ખાતે પ્રથમ વિકેટ માટે 176 રન નોંધાવ્યા હતા.
- વેસ્ટ ઈન્ડીઝ વિરૂદ્ધ પ્રથમ વિકેટની સૌથી મોટી ભાગીદારી સૌરવ ગાંગુલી અને વીરેન્દ્ર સેહવાગના નામે છે. આ બન્ને જણાએ રાજકોટમાં 12 નવેમ્બર 2002ના રોજ 196 રનની ભાગીદારી નોંધાવી હતી.
- સેહવાગે પોતાની બેવડી સદીમાં 25 ચોગ્ગા અને સાત છગ્ગા સાથે કુલ 32 બાઉન્ડ્રી ફટકારી જે વનડે ક્રિકેટમાં એક નવો રેકોર્ડ છે. આ ઉપરાંત તેણે પ્રથમ વખત તેની ઈનિંગ્સમાં સાત છગ્ગા ફટકાર્યા છે. - સુકાની તરીકે સૌથી વધુ રન ફટકારવાનો રેકોર્ડ આ પહેલા શ્રીલંકાના સનથ જયસૂર્યાના નામે હતો. જયસૂર્યાએ 29 ઓક્ટોબર 2000ના રોજ શારજહમાં ભારત વિરૂદ્ધ તોફાની 189 રન ફટકાર્યા હતા.
- સેહવાગે તેની વનડે કારકિર્દીમાં કુલ 15 સદી ફટકારી. આ સાથે તે ત્રીજો ભારતીય બેટ્સમેન બન્યો છે જેણે સૌથી વધુ સદી ફટકારી છે. સેહવાગ કરતા સચિન તેંડુલકર (48) અને સૌરવ ગાંગુલી (22) આગળ છે. - સેહવાગે વનડેમાં ફટકારેલી 15 સદીમાંથી 14 મેચમાં ભારતનો વિજય થયો છે.
- વીરેન્દ્ર સેહવાગ એવો બીજો બેટ્સમેન બન્યો છે જેણે વનડેની એક ઈનિંગ્સમાં 25 ચોગ્ગા ફટકાર્યા હોય. આ પહેલા સચિને તેની બેવડી સદી દરમિયાન 25 ચોગ્ગા ફટકાર્યા હતા. - સેહવાગે તેની બેવડી સદીમાં કુલ 142 રન બાઉન્ડ્રી દ્વારા લીધા છે. વનડેની એક ઈનિંગ્સમાં બાઉન્ડ્રી દ્વારા ફટકારવામાં આવેલો આ બીજો સર્વોચ્ચ સ્કોર છે. આ પહેલા શેન વોટસને 11 એપ્રિલ 2011ના રોજ બાંગ્લાદેશ ખાતે ઢાકામાં 96 બોલમાં પોતાની તોફાની 185 રનની ઈનિંગ્સમાં કુલ 150 રન બાઉન્ડ્રી દ્વારા લીધા હતા. જેમાં 15 ચોગ્ગા અને 15 છગ્ગાનો સમાવેશ થાય છે.
- સેહવાગે 69 બોલમાં જ પોતાની સદી ફટકારી હતી. જે વેસ્ટ ઈન્ડીઝ વિરૂદ્ધ ભારતીય ખેલાડી દ્વારા ફટકારવામાં આવેલી સૌથી ઝડપી સદી છે. આ પહેલા તેણે 12 નવેમ્બર 2002ના રોજ રાજકોટમાં કેરેબિયનો વિરૂદ્ધ 75 બોલમાં સદી ફટકારી હતી.
- સેહવાગની બેવડી સદી વનડે ક્રિકેટની સૌથી ઝડપી બેવડી સદી છે. તેણે 140 બોલમાં પોતાની બેવડી સદી પૂરી કરી હતી. જ્યારે સચિને બેવડી સદી ફટકારવા માટે 147 બોલ લીધા હતા.
ગર્વ છે કે મેં મહાન સચિનનો રેકોર્ડ તોડ્યો: સેહવાગ
ત્યારે મને લાગ્યું કે ભગવાન મારી સાથે છે: વીરેન્દ્ર સેહવાગ
સચિન-સેહવાગ : બંને બેવડી સદીવીર કેવી રીતે ફાવ્યા?
સેહવાગ બન્યો એક ઇનિંગ્સમાં સૌથી વધુ રન નોંધાવનારો બેટ્સમેન
સેહવાગ વિશ્વ ક્રિકેટનો સૌથી જોખમી બેટ્સમેન
સેહવાગ-સચિનની બેવડી સદીઓમાં શું અંતર, શું સમાનતા?
રોહિત શર્માએ ફટકાર્યા 209 રન

વિરેન્દ્ર સહેવાગનો રેકોર્ડ સહેજ માટે તુટતા તુટતા બચ્યો હતો. રોહિત શર્માએ 2 નવેમ્બર 2013ના રોજ બેંગલોરમાં 209 રનની ઇનિંગ્સ રમી હતી. આ દરમિયાન તેણે રેકોર્ડ 16 સિક્સરો અને 12 ફોર ફટકારી હતી. ભારતનો આ મેચમાં ઓસ્ટ્રેલિયા સામે 57 રને વિજય થયો હતો.
આ મેચમાં રોહિત શર્માએ ધમાકેદાર બેવડી સદી ફટકારી. 209 રનની ઈનિંગ્સ રમીને તેણે વનડેમાં બેવડી સદી ફટકારનારા ત્રીજા બેટ્સેમનની સિદ્ધિ હાંસલ કરી. તો ફોકનરના 115 રન પણ રેકોર્ડબ્રેક રહ્યા. ગ્લેન મેક્સવેલે પણ ઓસ્ટ્રેલિયા તરફથી સૌથી ઝડપી વનડે અડધી સદી ફટકારી.
જોકે, આ સમગ્ર મેચ જ એક ઐતિહાસિક મેચ બની રહી, જેમાં જેટલા ઝડપથી ચોગ્ગા છગ્ગા લાગ્યા તેટલા ઝડપથી એક પછી એક રેકોર્ડ્સ ધ્વસ્ત થતાં ગયા હતા. એક સમયે ઓસ્ટ્રેલિયા મેચ જીતી જશે તેવું લાગી રહ્યું હતું પરંતુ અંતે ભારતે બાજી મારી અને મેચ જીતી લીધી. ભારતે આપેલા 384 રનના જવાબમાં ઓસ્ટ્રેલિયન ટીમ 45.1 ઓવરમાં 326 રનમાં ઓલ આઉટ થઈ ગયું હતું.
આમ ફટકારી બેવડી સદી : રોહિ‌તે પોતાના 50 રન 71 બોલમાં, 100 રન 114 બોલમાં, 150 રન 140 બોલમાં અને 200 રન 156 બોલમાં ફટકાર્યા હતા. તેણે 50મી ઓવરમાં ક્લિન્ટ મેકેયની ઓવરમાં સિક્સર ફટકારીને પોતાની પહેલી બેવડી સદી પૂરી કરી હતી. પોતાની સદી રોહિ‌તે 114 બોલમાં પૂરી કરી હતી જ્યારે પછીના 100 રન માટે તેણે ફક્ત 42 બોલનો જ ઉપયોગ કર્યો હતો.
ટેસ્ટ ક્રિકેટ, રસપ્રદ તથ્યો અને રેકોર્ડ્સ
1877નો દિવસ ક્રિકેટ ઈતિહાસ માટે સૌથી મહત્વનો દિવસ છે. આજના દિવસથી જ પ્રથમ ટેસ્ટ મેચ રમાવાની શરૂઆત થઈ હતી. 15 માર્ચ 1877ના રોજ મેલબોર્ન ક્રિકેટ ગ્રાઉન્ડ પર ઓસ્ટ્રેલિયા અને ઈંગ્લેન્ડ વચ્ચે ક્રિકેટની પ્રથમ ટેસ્ટ મેચનો પ્રથમ દિવસ હતો. આ ટેસ્ટ મેચ ટાઈમલેસ ટેસ્ટ મેચ હતી.
જો કે આ મેચમાં ઓસ્ટ્રેલિયા કે ઈંગ્લેન્ડ બન્નેમાંથી એક પણ ટીમ પાસે ફૂલસ્ટ્રેન્થ ટીમ નહોતી. ઓસ્ટ્રેલિયન ટીમ મેલબોર્ન અને સિડની ઈલેવનમાંથી ભેગી કરીને બનાવવામાં આવી હતી. તો પણ અંતે બન્ને ટીમો વચ્ચે પ્રથમ ટેસ્ટ મેચ રમાઈ હતી. આ મેચમાં ઓસ્ટ્રેલિયાનો 40 રને વિજય થયો હતો. (તસવીર સૌજન્ય:- ઈએસપીએન ક્રિકિઈન્ફો)